弄堂

本书是在之前《弄堂》（2011）的基础上的修订完善，内容更加与时俱进，诙谐生动，是一部别开生面的上海说唱一样的真正的上海话小说（纯正的沪语用词），也是一部通俗的海派文化读物，再现了上海人从60年代到新世纪初尤其改革开放后的烟火味十足的上海弄堂的休闲娱乐、儿童活动、生活记忆、人情世故等生活缩影，见证了上海社会时代变迁。
本书配有插图与朗读音频，为图文音频三合一沪语小说。通过书中的真实情景，也可以学习上海话。

胡宝谈，知名沪语作家，出版有改革开放后第一部上海话小说《弄堂-上海话》，被评论界认识认为“这是近几十年真正的沪语文学的一个新起点”。另出版有上海方言悬疑小说《上海夜笔记》，并发表数十篇短编小说。

嗲·女邮递员
妗夹夹·西波涅
言话·哨哨车
老克拉·洋米袋
滑头·小裤脚管花衬衫
手节头·奶油五香豆
规矩·扫帚生日
弄松·黄鱼鲞
吃老酸·熊猫牌
乌里买里·何日君再来
吃定心丸·饭榔头
摸夜乌龟·红烧野胡翅
抛顶宫·飞军帽
搅头势·亭子间嫂嫂
摆噱头·人体素描
六月债·淮国旧
吃弹皮弓·堂吃酒
吃头势·杏花楼月饼
横竖横·横渡黄浦江
抖抖病·少年维特个烦恼
拉郎配·年历片
吵新房·三十六只脚
冷茄茄·假领头
勿是生意经·外宾
狗头牌·红楼梦
年夜头·凭票供应
开窍·黄色歌曲
吃香·国营大工厂
热心热肺热肚肠·锣鼓队
老卵级格·纠察
轧朋友·数电线木头
打相打·每周广播电视
出外快·东风饭店
飞过海·海外关系
淡嘴骨里·味之素
熬勿牢·脚踏车券
神抖抖·文艺活动
螺蛳壳里做道场·汰浴
……

     嗲·女邮递员 叶歌君条胡咙，嗲。 人也生了登样，眼睛老大老亮。屋里头商量下来，叫伊考音乐学院去。 弄堂房子，阿会得有啥练声房，更加勿会得有冷气，自家又要着乖，勿好影响邻舍隔壁。每日天，亭子间里练声，窗咾，门咾，关了没不通风，再要拉两层头个厚窗帘，门背后，棉花胎再要挂条。 冷天冷色还好，热天热色真生活，身浪，痱子发了像麻花雨，半日天，花露水好用脱一瓶。 叶歌君，第二名考进去了。学堂里要开会讨论，讨论下来，伊屋里成分勿灵光。 阿妹叶步君人小，事体勿大懂，听见阿姐呒没录取，浑身一轻松，伊想，乃终好勿要练声唻，极勿煞，窗帘布去操操开。叶歌君是，眼泡哭了像水蜜桃烂脱快了，怕人家看见，窗帘布又一把头拉上，拉个力道大勿过，咚一记，人告窗帘布一道掼下来。 叶歌君分配到邮电局，当了一个邮电员。 长袖长裤，头浪，包了毛巾，再戴顶布帽子，连得头颈也勿肯多露出来，风凉皮鞋倒赤脚着，就是担心人家讲伊脚忒白，勿像工农兵。下班天井里坐好，摆只脚盆，脚，水里向泡辣，太阳晒晒伊。 弄堂里，叶歌君日日送报纸送信来个。迭个小姑娘，坐辣高龙头脚踏车浪是蛮好看个，裘小凯，开头也就是看看。下个号头，楼下头王伯伯屋里，亲眷汇钞票来了。平常日脚，口一声勿肯开个邮电员开口了：“王家，图章带出来！”裘小凯前头一秒钟，煨灶猫呀，后头一秒钟，急了要跳出老虎窗噢。叶歌君条胡咙，像饧糖，拿伊搭牢了。碰着王伯伯，触气，耳朵邪气好，又是汇款单，勿是逮捕证，脚头总归邪气快。除出头一趟，王伯伯正好用痰盂罐，慢一步，平常是，半声叫好，人已经踵到门口头了。裘小凯是作孽，常庄只听着半句头“王……”，又要等下个号头了呀。 伊个心，也勿着勿落一个号头。 想叫伊拉爷帮忙，想想勿会得答应。伊拉爷交关把细，香港汇钞票来，从来勿直拔直汇到屋里头，为了放烟幕弹，汇到阿姨屋里先，阿姨末，毛巾绢头包好了带过来。 伊千思百量，只有一只办法，借别人家名字，实底是自家帮自家汇钞票，手续费是，譬如买票子看影戏哦。 大热天，裘小凯拿自家小房间窗咾门咾，关胳缝，再要拉两层头个厚窗帘，门背后，骆驼毛毯再挂条。迭个，是有讲究个。一则，好装胡羊，叫叶歌君多叫两声，念头过足咾，打图书去；二则，光线暗，腔势足，有点咖啡厅兮兮个味道；三则，好叫弄堂里捎马桶吃，汰衣裳咾，茄山河咾，官兵捉强盗咾啥，迭排里乌七八糟个声音，过滤脱，单叫叶歌君个声音，沙滤水一样洇进来。 裘师母看勿懂了呀，儿子啥体呀，下来帮王伯伯讲，伲凯凯发痧味。王伯伯眯花眼笑，我来！我来！我刮痧老鬼个！中华人民共和国成立前头拜师父学个，一脚呒没机会上手睐！ 王伯伯袖子管揎起仔，胡梯上来了。裘小凯当然勿肯拨伊刮。王伯伯，忘记心是有点大，事体真个做起来，倒是板板六十四，伊讲刮，板要刮。两家头扭过来扭过去，下头叶歌君还呒没叫，姆妈老早帮伊一方图书打好了。裘小凯气是气得来，讲勿出苦。 迭两日，王伯伯看裘小凯人呒没精神，一日到夜，伏辣床浪，像只赖伏鸡，毛病肯定呒没转好，又上来帮伊刮了。裘小凯钻到床底下，定规勿出来，还帮王伯伯吵相骂。 侬一句我一句个辰光，王伯伯个汇款单子来了，楼下头，叶歌君喊了一声又一声。 乃王伯伯要去了，裘小凯眠床下头一记头蹿出来，拿王伯伯两只脚一抱，抱牢，就是勿肯放，嘴巴里嘿嘿嘿笑。 夜饭吃好，汰碗盏辰光，胡梯下头，王伯伯迓迓叫，帮裘师母豁翎子：“?凯凯是，顶好领伊大医院看看看去。” P3-5